« Qalbimda qish »

O Su — bolaligida ota-onasi tomonidan tashlab ketilgan yetim yigit. U hayotdan umidini uzgan, hech narsani qadrlamaydi va maqsadsiz yashaydi. Birinchi sevgisining vafotidan so‘ng esa u professional qimorbozga va yengil hayot kechiruvchi yigitga aylanadi. Boy ayollar hisobidan yashashdan ham tap tortmaydi.

Bir kuni u yirik korporatsiya merosxo‘ri O Yon bilan uchrashadi va uni uzoq yillardan beri bedarak yo‘qolgan ukasi sifatida aldab ko‘rsatadi. Biroz vaqt o‘tib, u yolg‘on o‘yinini yanada chuqurlashtirib, “singlisi”ni o‘ldirib, uning barcha merosiga ega bo‘lishni rejalashtiradi.

O Yon — ulkan konglomeratning yagona merosxo‘ri. Uning hayoti oson bo‘lmagan: u ota-onasini fojiali tarzda yo‘qotadi, 15 yoshida ko‘rish qobiliyatidan ayriladi va undan keyin esa ukasi bedarak yo‘qoladi. Hayotdagi bu og‘ir sinovlardan keyin O Yon o‘ta yolg‘iz qoladi, odamlarga ishonmaydi va ulardan uzoq yurishga harakat qiladi.

Pak Chin Son — O Suning eng yaqin do‘sti va ishonchli yordamchisi. Uning yagona orzusi — ko‘p pul ishlab, otasiga qoramol fermasi sovg‘a qilish.

Mun Xi Son — O Suning birinchi sevgisi Hi Ju’ning singlisi. U har qancha urinmasin, opasini tashlab ketgan yigit sifatida O Suni yomon ko‘rishga harakat qiladi, ammo yuragi unga baribir mehr qo‘yib qolganini anglaydi...